Як жити
тре вьсіх любити,
і все двуїти,
викати вьсім старшим,
вьсім ся кланяти,
нікого ни убмувляти,
кулись чимсь частувати.
і вьсьо требе мити,
чистити диривлянки,
гимблювати диржаки,
ні с ким ся ни дерти,
ни дзвякати при стулі,
ни убзивати дзядів,
і ни бути дзюндзьом,
шу робит пуволі,
дідня, рано вставати,
вьсьо пунапувати,
і цьвіти пулляти,
всіх діздріти, пильнувати,
дійники пумити,
нігде ся ни дівати,
дрова нусити,
в п’єцу палити,
ду вичері, йти ду сусідів,
шуби ся дугувурити,
кули пуможут шось рубити.
нікому ни дукучати,
як тре, другим дураджати,
як варити, як ся мати,
ни вудитися з драбами,
з рузбишаками-хлупами,
ніц ни драпати, ни бити,
меньши їсти, мало пити,
ни дрімати, а йти спати,
як друнґаль, високий хлоп,
ту най дугури всьо скидаї,
а, як друтяр, ту той
гуршки латати пумагаї.
ни дудіт, як нима чо,
бу вас пуб’ют ні за шо.
ни дудлити пиво дужи,
бу ся лишут тілько дудки,
то- ни жарти, то- ни шутки,
вьсьо си рубіт пумалютку.
ни майти дяки
на дочку дяка,
а бутьти приязьні,
купляти си нові строї
і мийтися в лазьні.
Їван Питришин
|
у Вас 
